شعر جميل رباعيات احمد الهمامى
مســـجون وحيد في دنيا سجانه
بصــــــــرخ وبلطــــم وآه يـــانـا
سجــــن انفـــرادي يعني مـــوت
محــلاها اللمه لـــو في زنزانة
وآه
* *
*
ولــدي تعالى هــقولك كلـــمتين
وصـــدقني يابــني يانني العــين
لـــــو خــدت بيهم لازم هتكسب
إيـــــاك تـــزعل والديـك الاتنين
وآه
* *
*
ورا كــــل باب مقـفــول 1000 سرّ
فرح ونكد وسعاده وشجن وحلو ومرّ
ماهو أي بيت عــــامل كمـــا الموجه
مد وجزر وموجه تِغَرَّق ومـوجه تمـرّ
وآه
الله يعيــنك يا مفــــــــتي الديــــــــــار
يا شيخ جليل مابيتشقش ليك غــــبار
خليـــك حـــــــريص على كــل كــلمة
وحـــــاسب ل تغـــلط تلقى الآخره نار
وآه
أنا كــــــــــل يوم بسمع وبقرا في الجرايد
إن الـــــــــــــــجرايم بتكتر ومعــدلها زايد
وأسأل وأقول دي المصيبة بفعــــل مــين؟
بفـــــعل الفــقر ولا الــــــظلم اللـــي سـايد
وآه
* * *
برشـــــــامه موصــوفه من طبيب
تهدي أعــصابي وترجعـلي الحبيب
معـــــــقوله ده كــلام يخش عقل؟!
ولا الطبــــيب فكرني م المــجاذيب
وآه
العدل في الزمان ده يشبه المــــــــوت البطيء
والظلم سـاد في الأرض يا عمر انصف بريء
حكـــــــمت فــــــعــــــدلت فأمـــــــنت فــــــنمت
أهــو ده كــــــــــــلام العدل اللــي بحق وحقيق
وآه
عجـــــــــــوز وقــــاعد على صندوق كــنوز
عـــــــــــــمره ما فكـــر يفتحه أو بيه يفــوز
ســــــــــــألتـــــــه لــــــــــــــيه؟ رد قــــــال:
اللي في عـــــمري يا جدع ملهوش حظوظ
وآه
دميــــــــم وعاجز وبفلوسه شــاري دا الجمال
معــــــــــقول يا ناس هي دي القســمه حـــلال
رد واحـــــــــد م الحضور وقالّي: وانت مـالك
خليــك في حالك يابني هو إنتَ صاحب المـــال
وآه
المظــــــاهره ماشــــيه يا بني وملكش دعــوه بيــها
لا تخــــــش فيــها ولا تقول كفايه ولا تعـدي جنبيــها
وامشــــــــي زي أبــوك جنب الحيطـان وفي السلـيم
لا تقول غلــط ولا تشتكي أما البلد فليها رب يحميها
وآه
الدنيا كـــــــــــوره قدم وعــــامله زي الماتش
ومن شوطـــــــين وفيه حـكم بيحسب أي تتش
ومساعدين يمين وشمال بيراقبوا كل خطواتك
والجايزه في الآخره يا إمـا الدلع يا إما اللطش
وآه